მიმდინარე წლის 29 იანვარს ჩატარდა ონის ადგილობრივი სამოქმედო ჯგუფის საერთო კრება, რომელშიც 48 წევრიდან მონაწილეობა 28 წევრმა მიიღო.
საერთო კრებამ მოისმინა ანგარიში ორგანიზაციის საქმიანობის შესახებ, რომელიც წარადგინა ონის LAG-ის მმართველი საბჭოს თავმჯდომარემ.
საერთო კრებაზე შემდეგი გადაწყვეტილებები იქნა მიღებული:
- ცვლილება შევიდა LAG-ის წესდებაში, რომლის თანახმად, ორგანიზაციის მმართველი საბჭოსა და თავმჯდომარის უფლებამოსილების ვადა განისაზღვრა 2 წლით;
- განახლდა LAG-ის მმართველი საბჭოს შემადგენლობა - ახლად არჩეულ მმართველ საბჭოში 4 ახალი წევრია.
ონის LAG-ის წევრთა საერთო კრება ჩატარდა პროექტის „მთიანი საქართველოს ახალი სიცოცხლე“ მხარდაჭერით. პროექტი ხორციელდება ევროკავშირის მხარდაჭერით, სოფლისა და სოფლის მეურნეობის განვითარების ევროპის სამეზობლო პროგრამის (ENPARD IV) ფარგლებში.
